फुलझर ले पाण्डुका तक पोला तिहार के धूम – किसान मन बैला ला सजाके करीन पूजा

बुलंद टाइम्स न्यूज/योगेश्वर साहू

छुरा/घटारानी। आज छत्तीसगढ़ के माटी के तिहार पोला बड़े धूमधाम ले मनाए गीस। फुलझर, मुरमुरा, धुरसा, जमाही, छुईहा, चरौदा, पोंड अउ पाण्डुका में सुबह ले ही गांव में रौनक लग गए।

किसान भाई मन अपन बैला मन ला तालाब में नहवाके, सिंग में रंग लगाके, गला में घंटी बांधके पूजा करीन। घर-घर में गौरी-गणेश अउ नंदी बैला के पूजा होइस।

महिला मन चूल्हा में ठेठरी-खुरमी बनाए अउ लईका मन माटी के बैला बनाके खेले अउ पूरा गांव पोला गीत में झूम उठीस।

ग्रामीण मन कहिन – _बैला हरे तो खेती हरे, अउ खेती हरे तो छत्तीसगढ़ हरे।_

पोला तिहार में भाईचारा अउ किसान संस्कृति के सुग्घर झलक देखे बर मिलीस।