buland admin 
Oplus_131072
घर घर तिरंगा अभियान होईस सुफल।
बुलंद टाइम्स न्यूज/योगेश्वर साहू
गरियाबंद। गांव फुलझर घटारानी म 15 अगस्त दिन शनिचर के स्वतंत्रता दिवस बड उछाह भरे माहोल म मनाय गिस।
ए कड़ी म प्राथमिक अउ मीडिल स्कूल समेत करीब 7 जघा तिरंगा फहरा के बड गरिमा ले राष्ट्र ध्वज , राष्ट्रगीत के सम्मान,अउ देस खातिर कुरबान दिए अमर देश भक्त अउ शहीद मन सुरता करत उन मन ला जोहार वन्दन करिन।
जेमे गांव फुलझर के दूनो इसकूल, तेन्दू पत्ता वनोपज कार्यालय, ग्राम पंचायत भवन, दूनों आंगनबाड़ी केंद्र,जय हिन्द भारत संस्था, आजीविका मिशन नवा बिहान कार्यालय, के संग संग गांव के सब्बो घर म घर घर तिरंगा फहरा के अभियान ल सुफल बनाईन।
अउ इसकूली लईका ,गुरुजी,अउ गांव के नागरिक मन द्वारा गीत भाषण कविता अउ सांस्कृतिक कार्यक्रम घलो करे गिस।
ए कड़ी म ग्राम पंचायत फुलझर के सरपंच सन्तोष कुमार दीवान, उपसरपंच हेमलाल यादव , ग्राम प्रमुख डीहू राम साहू, जहुर दीवान, हरिश्चंद्र तारक,, सचिव ममता साहू ,इसकूल के गुरुजी तेज राम साहू ,हरिराम नागरची, करण सिंह कमार, एवन कुमार साहू, सिन्हा सर, आंगनबाड़ी कार्यकर्ता अंगा बाई साहू, लता बाई सिन्हा , पूर्व सरपंच सुनीति ध्रुव जय हिन्द भारत संस्था के अध्यक्ष बाबूलाल साहू , गौकरण मानिकपुरी यश कुमार साहू, टाकेश राज साहू, सहदेव राम साहू ,धनेश कुमार ध्रुव आदि आदि ए बेरा म हाजिर रीहिन।
